"有感而發－長文"
我並不是什麼道德撚，只係希望用LEE個平台同大家講下自己感受。
我果度，每日都會有幾個老年既婆婆負責清潔商場洗手間。我地從來都無幾句，因佢地都唔太算係我地餐廳職員。我都唔知幾位婆婆姓乜，平時都唔知講乜，無需要呀嗎。今日我又見到佢地做野，就屎忽痕同佢地講句聖誕快樂！佢地都笑得好開心，好多謝我亦祝我聖誕快樂，仲同我閒聊左幾句。
其實我想講：
聖誕節LEE D喜慶節日，特別容易令人寂寞同傷感。
我唔係講毒撚單身人士，而係一D老一輩或者中年人士。
特別日子要深宵不停工作，搵幾餐溫飽。
你或者會話：挑！我唔7係咩！
但相比之下，佢地社交圈子比較小。
我地有Facebook，whatsapp等等既渠道，有無數既"朋友"大家互相問候大家，say Merry Christmas。
但對果班老一輩既人，除左家人（或者無），就係你LEE位日日見慣但從來無幾句，最親切既陌生人。
如果你能夠抽一兩秒，對佢地講聲聖誕快樂！佢地會好好好好好開心！
不過我知，睇我POST果D人都好有愛心，淨係憎D嗨客既姐！
所以除左熟悉既陌生人之外，我希望乜野人都好！
所有所有人都值得聽到你把口講一句：祝你聖誕快樂！
我相信世界係美好既！
希望聽日撞到你同我講句聖誕快樂！我唔會當你係痴線佬嫁！
"認同"唔該分享，我想多D人同更多更多既人講聖誕快樂，每個人都值得收到LEE份2秒既祝福。
Search